pm modi: புதிய அடையாளத்தை நோக்கி முன்னேறும் இந்தியா: பிரதமர் மோடி பேச்சு! – india is forwarding towards new identity says pm modi

0
15


ஹைலைட்ஸ்:

  • மாநிலத்தின் வளர்ச்சிக்கு எதிராக செயல்படும் சக்திகளுக்கு எதிராக நாம் செயல்பட வேண்டியுள்ளது
  • முந்தைய ஆட்சியாளர்கள் நாட்டை கொள்ளை அடித்தனர், அவர்களில் பலர் சிறையில் உள்ளனர்

சுதந்திரப் போராட்ட வீரர் ராஜா மகேந்திர பிரதாப் சிங் நினைவாக அலிகரில் பல்கலைக்கழகம் அமைக்கப்படுகிறது. இதற்காக அலிகரில் நடைபெற்ற நிகழ்ச்சியில் பிரதமர் மோடி புதிய பல்கலைக்கழகத்துக்கு அடிக்கல் நாட்டினார். மேலும், அலிகாரில் அமைக்கப்படவுள்ள உத்தரப் பிரதேச மாநிலத்தின் பாதுகாப்பு தொழில் வழித்தடத்தையும் அவர் தொடங்கி வைத்தார்.

அதன் பின்னர் உரையாற்றிய அவர், “பாதுகாப்பு துறையில் இறக்குமதியை சார்ந்திருந்த இந்தியா, தற்போது பெரிய அளவில் ஏற்றுமதி செய்யும் அளவிற்கு வளர்ந்துள்ளது. இந்தியாவில் போர்கப்பல்கள், ட்ரோன்கள், விமான உதிரிபாகங்கள் மற்றும் நவீன குண்டுகள் உற்பத்தி செய்யப்படுகிறது. நமது நாடு மட்டும் அல்லாமல், ஒட்டு மொத்த உலகமும் இதை பார்க்கிறது. பாதுகாப்பு துறை சார்ந்த ஏற்றுமதியில், இந்தியா புதிய அடையாளத்தை நோக்கி முன்னேறுகிறது” என்றார்.

உத்தரப்பிரதேசத்தின் வளர்ச்சிக்கு மத்திய அரசும், முதல்வர் யோகி தலைமையிலான மாநில அரசும் இணைந்து பணியாற்றி வருவதாக குறிப்பிட்ட பிரதமர் மோடி, தொழில் செய்வதற்கு சரியான சூழலை உத்தரப்பிரதேசம் உருவாக்கியுள்ளது என்று யோகி ஆதித்யநாத் அரசுக்கு புகழாரம் சூடினார்.
பள்ளிகள் திறப்பில் அவசரம்: எச்சரிக்கும் ஐசிஎம்ஆர் முன்னாள் விஞ்ஞானி!
மாநிலத்தின் வளர்ச்சிக்கு எதிராக செயல்படும் சக்திகளுக்கு எதிராக நாம் செயல்பட வேண்டியுள்ளது என்று தெரிவித்த பிரதமர் மோடி, முந்தைய ஆட்சியாளர்கள் நாட்டை கொள்ளை அடித்தனர், அவர்களில் பலர் சிறையில் உள்ளனர் என்றும் பேசினார். உத்தரப்பிரதேசத்தில் அடுத்த ஆண்டு சட்டமன்றத் தேர்தல் நடைபெறவுள்ளது. அதற்கான முன்னோட்டமாக பிரதமர் மோடியின் இந்த பேச்சு பார்க்கப்படுகிறது என்பது கவனிக்கத்தக்கது.