parliament winter session: நவ.,22ஆம் தேதி நாடாளுமன்றக் குளிர் காலக் கூட்டத்தொடர் – மத்திய அரசு திட்டம்! – parliament winter session likely to begin on november 22

0
8


ஹைலைட்ஸ்:

  • கொரோனா பேரிடருக்கு பின்னர் நடைபெறும் 4ஆவது அமர்வு இது
  • அனைத்து எம்.பி.க்களும் இரு தவணை கொரோனா தடுப்பூசி போட்டுக் கொண்டுள்ளனர்
  • இறுதி முடிவை நாடாளுமன்ற விவகாரங்களுக்கான அமைச்சரவைக்குழு கூடி முடிவு செய்யும்

நாடாளுமன்றத்தில் குளிர்கால கூட்டத் தொடர் நவம்பா், டிசம்பா் மாதங்களில் நடைபெறுவது வழக்கம். நாடாளுமன்றம் நடைபெறும் தேதிகளை நாடாளுமன்ற விவகாரங்களுக்கான அமைச்சரவைக்குழு கூடி முடிவு செய்யும்.

இந்த நிலையில், நடப்பாண்டுக்கான கூட்டத் தொடரை வருகிற 22ஆம் தேதி கூட்டி, டிசம்பர் மாதம் 23ஆம் தேதி வரை ஒரு மாதத்துக்கு கூட்ட மத்திய அரசு திட்டமிட்டுள்ளதாக தகவல்கள் வெளியாகியுள்ளன. அதேசமயம், அதற்கு முன்னதாக நவம்பர் 15ஆம் தேதியே கூட்டவும் பேசப்பட்டு வருவதாக கூறப்படுகிறது. இது தொடர்பான இறுதி முடிவை நாடாளுமன்ற விவகாரங்களுக்கான அமைச்சரவைக்குழு கூடி முடிவு செய்யும்.

இதனிடையே, கொரோனா வழிகாட்டு நெறிமுறைகள் தொடர்பாக மத்திய சுகாதாரத்துறை அமைச்சகத்துடன் நாடாளுமன்ற விவகாரங்களுக்கான அமைச்சகம் பேசி வருகிறது. கடந்த மழைக்காலக் கூட்டத்தொடரின் போது பின்பற்றப்பட்ட அதே வழிமுறையே இந்த கூட்டத்தொடரின் போதும் பின்பற்றப்பட வாய்ப்புள்ளது. இருப்பினும், முழுமையாக இருதவணை கொரோனா தடுப்பூசி செலுத்திக் கொண்ட உறுப்பினர்கள் ஆர்.டி.பி.சி.ஆர் பரிசோதனை சான்றிதழ் இல்லாமல் அவைக்கு வர அனுமதிக்கப்படுவர் என்று தெரிகிறது.
நாளை முதல் தியேட்டர்களுக்கு 100 சதவீதம் அனுமதி: ரசிகர்கள் உற்சாகம்!
ஆனாலும், மக்களவை, மாநிலங்களவை பணியாளர்கள் தடுப்பூசி செலுத்திக் கொண்ட விவரங்களை மத்திய சுகாதாரத்துறை அமைச்சகம் அந்தந்த அவைகளின் செயலர்களிடம் கேட்டுள்ளது. “அனைத்து எம்.பி.க்களும் இரு தவணை கொரோனா தடுப்பூசி போட்டுக் கொண்டுள்ளனர். கடந்த மழைக்காலக் கூட்டத்தொடரின் போது போடாதவர்களும் செலுத்துக் கொண்டுள்ளனர்” என்று சுகாதாரத்துறை அமைச்சகத்தின் மூத்த அதிகாரி ஒருவர் தெரிவித்துள்ளார்.

திருநங்கைகளுக்கான கொள்கை வரைவு: இந்தியாவில் முதல் முறை !

கொரோனா பேரிடருக்கு பின்னர் நடைபெறும் 4ஆவது அமர்வு இது. 2020ஆம் ஆண்டு செப்டம்பரில் முதல் அமர்வு நடைபெற்றது. ஆனால், பெரும்பாலான உறுப்பினர்கள் தொற்றால் பாதிக்கப்பட்டதால் அவை நடவடிக்கை முன்கூட்டியே முடிக்கப்பட்டது. தொடர்ந்து, கொரோனாவை காரணம் காட்டி கடந்த ஆண்டு குளிர்காலக் கூட்டத்தொடருக்கு எதிராக மத்திய அரசு முடிவெடுத்தது. இதையடுத்து, கடந்த ஜனவரி மாதம் பட்ஜெட் கூட்டத்தொடரும், ஜூலை மாதம் மழைக்காலக் கூட்டத்தொடரும் நடைபெற்றது. ஆனால், எதிர்க்கட்சிகளின் கடும் அமளி, கொரோனா தொற்று உள்ளிட்டவைகளால் மேற்கண்ட அமர்வுகள் சரிவர நடைபெறாமல் முன்கூட்டியே நிறைவடைந்தது என்பது குறிப்பிடத்தக்கது.