maruvai neekuvathu yeppadi: முகம், கழுத்துப் பகுதியில் மரு இருக்கா, இந்த பால் தடவினா உதிர்ந்திடும்! – how to use ammaan- pacharisi to get rid of wart on skin

0
14


ஹைலைட்ஸ்:

  • மருவுக்கு சிகிச்சை அளிக்கும் போது அதிலும் இயற்கை வைத்தியம் செய்யும் போது அவை கீழே உதிர்ந்து
  • உங்கள் மரு சருமத்தை ஒட்டி இருக்கிறதா, தட்டையாக இருக்கிறதா, சருமத்தின் நிறத்தோடு ஒத்திருக்கிறதா


முகத்தை காட்டிலும் அதிகமாக கழுத்துப்பகுதியில் தான் மருக்கள் வரக்கூடும். பார்க்க மச்சம் போன்று இருக்கும். பிறகு படிப்படியாக முகத்தின் அழகை குறைத்துவிடும். அக்குள், முதுகு, கழுத்து, முகம் என்று உடலின் பல இடங்களில் இது தென்படகூடும். மருவை கண்டதும் அதை தடுத்து விட இயற்கை வழிமுறைகள் பலவும் உண்டு. அதற்கு முன்பு உங்கள் மரு சருமத்தை ஒட்டி இருக்கிறதா, தட்டையாக இருக்கிறதா, சருமத்தின் நிறத்தோடு ஒத்திருக்கிறதா என்று கண்டறிவது அவசியம்.

இதில் சருமத்திலிருந்து வெளிப்புறமாக வரும் மரு ஆரம்பத்தில் மச்சம் போன்று இருந்தாலும் நாளடைவில் இவை மருவாக வெளிப்படக்கூடும். மருவின் தன்மைக்கேற்பதான் கைவைத்தியமும் செய்ய வேண்டும்.
மரு வருவதற்கு காரணங்களாக சொல்லப்படுபவை சரும பராமரிப்பின்மையும், சருமத்தில் தேங்கும் அழுக்குகளும் தான். வைரஸ் தொற்றுகளாலும் மரு உண்டாக கூடும்.

அழகான ஆரோக்கியமான பொலிவான கூந்தல் வேணுமா, துளசி என்னும் மூலிகையை இப்படி யூஸ் பண்ணுங்க!

மருவின் தொடக்கத்தில் நீங்கள் இருந்தால் அம்மான் பச்சரிசி மூலிகையை மரு உதிர்வதற்கு பயன்படுத்தலாம். இது அரிசி வகை இல்லை. ஒரு விதமான மூலிகை. அமான் பச்சரிசி இலையை பறிக்கும் போது அதிலிருந்து பால் வரக்கூடும். இந்த பாலை மருமீது தடவி வர வேண்டும். மேலும் மருவை சுற்றிலும் தடவ வேண்டும். தொடர்ந்து 7 நாட்கள் வரை இதை பயன்படுத்தினால் மருவானது உதிர்ந்துவிடும் . மருவின் வளர்ச்சி நிற்கும். மருவுக்கு பிறகு அந்த இடத்தில் கூடுதலாக பராமரிப்பு செய்ய வேண்டும். இல்லையெனில் அதே இடத்தில் மீண்டும் மருக்கள் வளர தொடங்கும்.

அம்மான் பச்சரிசி என்பது விஷமல்ல, இது மூலிகை இந்த இலையின் பொடியை அரைத்து உள்ளுக்கு எடுத்துகொள்வதும் உண்டு. அதனால் இதை தைரியமாக மரு இருக்கும் இடங்களில் பயன்படுத்தி வரலாம். மருவுக்கான பக்கவிளைவில்லாத சிகிச்சை இது. கூர்மையான இதன் இலைகளை உடைத்தால் பால் வடியக்கூடும்.

மருவுக்கு சிகிச்சை அளிக்கும் போது அதிலும் இயற்கை வைத்தியம் செய்யும் போது அவை கீழே உதிர்ந்து விழுந்தாலும் சருமத்தின் அடியில் தேங்கியிருக்கும் அழுக்குகளால் மீண்டும் மீண்டும் வரக்கூடும். மரு உதிர்ந்த பிறகு அந்த இடத்தில் மஞ்சளையும் அம்மான் பச்சரிசி இலையையும் அரைத்து தடவி வந்தால் நாளடைவில் சருமத்தின் அடியில் இருக்கும் அழுக்குகள் மறைந்து மரு வருவது தடுக்கப்படும்.

வறண்ட கூந்தலை உடனே மென்மையாக்கும் கற்றாழை ஹேர் ஸ்ப்ரே, தயாரிப்பும் பயன்பாடும்!

மரு கழுத்தில் முதுகில் அக்குளில் வந்தால் இந்த வைத்தியம் செய்யலாம். ஆனால் கண்களின் அருகில் ,மூக்கின் அருகில், வாய் ஓரத்தில் என முக்கியமான இடங்களில் வரும் போது அதை எந்த மாதிரியான இயற்கை வைத்தியத்துக்கும் உட்படுத்தாமல் சரும மருத்துவரை அணுகுவதுதான் நல்லது. சிலர் அழகு கலை நிபுணர்களிடம் சென்று மருவை எரிக்கும் பராமரிப்பில் ஈடுபடுவதும் உண்டு. ஆனால் இவை சமயங்களில் அருகில் இருக்கும் உறுப்பை பாதிப்புக்குள்ளாக்கிவிடும் என்பதால் மருத்துவரை அணுகுவதே சிறந்தது.

மருவுக்கு சிகிச்சை அளிக்கும் போது ஆரம்ப கட்ட மருவாக இருந்தால் இந்த இயற்கை மூலிகை வைத்தியம் கை கொடுக்கும். ஆனால் அதிகம் வளர்ந்துவிட்ட மருவுக்கு சரும பராமரிப்பு நிபுணர்களை அணுகுவதுதான் சிறந்த தீர்வாக இருக்கும்.