karnataka power cuts: அறிவிக்கப்படாத நீண்ட நேரம் பவர் கட்; அடுத்தடுத்து முளைக்கும் புதிய சிக்கல்கள்! – severe power cuts disrupt work from home and online classes in karnataka

0
20


ஹைலைட்ஸ்:

  • நிலக்கரி தட்டுப்பாடு காரணமாக மின் உற்பத்தி பாதிக்கப்பட்டிருப்பதாக தகவல்
  • அவ்வப்போது கனமழையும் பெய்து வருவதால் நீண்ட நேரம் மின் வெட்டு ஏற்படுகிறது
  • ஒர்க் ஃப்ரம் ஹோம், ஆன்லைன் வகுப்புகள் உள்ளிட்டவை கடுமையாக பாதிக்கப்படுகின்றன

நாடு முழுவதும் நிலக்கரி தட்டுப்பாடு ஏற்பட்டுள்ளதாகவும், அதன் காரணமாக மின் உற்பத்தி பாதிக்கப்பட்டிருப்பதாகவும் தகவல்கள் வெளிவந்த வண்ணம் இருக்கின்றன. ஆனால் அடுத்த சில வாரங்களுக்கு போதிய அளவு நிலக்கரி உள்ளது என்று மத்திய அரசு தரப்பில் தெரிவிக்கப்பட்டுள்ளது. இருப்பினும் அறிவிக்கப்படாத நீண்ட நேரம் மின் தடை ஏற்படுவது பொதுமக்களுக்கு பல்வேறு சிரமங்களை உண்டாக்கி வருகின்றது. கர்நாடக மாநிலம் பெங்களூரு ஐடி தலைநகரமாக திகழ்கிறது. ஏராளமான ஐடி நிறுவனங்கள், அதனைச் சார்ந்து பல்வேறு மாநிலங்களில் இருந்து இடம்பெயர்ந்த மக்கள்,

ஒர்க் ஃப்ரம் ஹோம் சிக்கல்கள்

அவர்களின் குடும்பம், குழந்தைகள், கல்வி, சுகாதாரம் உள்ளிட்ட அனைத்திற்கும் பெங்களூரு நகரையே சார்ந்திருக்க வேண்டியுள்ளது. இந்நகரில் உள்ள பல்வேறு நிறுவனங்களும் கொரோனா தொற்று காரணமாக தங்களது ஊழியர்களை வீட்டிலிருந்தே பணியாற்ற அறிவுறுத்தியுள்ளது. இந்த சூழலில் மின் தடையானது வீட்டிலிருந்தே வேலை செய்யும் நபர்களுக்கு பெரும் சிக்கலாக மாறியுள்ளது. ஆன்லைன் வகுப்புகளில் பங்கேற்று வரும் மாணவர்களும் கடுமையாக பாதிக்கப்பட்டுள்ளனர். இந்த விஷயத்தை அவ்வப்போது பெய்து வரும் கனமழை மேலும் மோசமாக்கி வருகின்றது.
டிகிரி கல்லூரி மாணவர்கள் கவனத்திற்கு; மாநில அரசின் புதிய அறிவிப்பு!
பல மணி நேரம் மின் தடை

இதுதொடர்பாக பெங்களூரு நகர குடியிருப்புவாசிகள் கூறுகையில், கடந்த சில நாட்களாக ஐந்து முதல் ஆறு மணி நேரம் வரை மின் தடை ஏற்படுகிறது. தங்கள் வீட்டில் யுபிஎஸ் வசதி இருந்தாலும், ஒருசில மணி நேரங்களுக்கு மட்டுமே தாக்குப் பிடிக்கிறது. இதனால் தங்களுடைய சிஸ்டம் அல்லது ஒயர்லெஸ் ரவுட்டரை செயல்படுத்த முடிவதில்லை என்கின்றனர். சில பெற்றோர்கள் கூறுகையில், எங்கள் வீட்டில் இரண்டு பிள்ளைகளுமே ஆன்லைன் வகுப்பில் பங்கேற்று வருகின்றனர். தற்போது ஆன்லைன் வாயிலாக தேர்வுகள் நடைபெற்று வருகின்றன.

பிளீஸ் சார்.. ரொம்ப அசிங்கமா போய்டும் சார்.. Y.G.மதுவந்தி கதறல்

மின்சாரத் தேவை தொடர்ந்து அதிகரிப்பு

இந்த சூழலில் அறிவிக்கப்படாத மின் வெட்டு, திடீர் மழை ஆகியவை பெரிய அளவில் பாதிப்பை ஏற்படுத்துகின்றன. மீண்டும் மின்சாரம் வருவதற்கு பல மணி நேரம் ஆகிறது. நிலக்கரி தட்டுப்பாடு விஷயம் எப்போது சரியாகும் என்று தெரியவில்லை என்று வேதனை தெரிவிக்கின்றனர். கர்நாடக மாநிலத்தில் தினசரி 10,500 மெகாவாட் மின்சாரம் தேவைப்படுகிறது.
நாளை முதல் தியேட்டர்களுக்கு 100 சதவீதம் அனுமதி: ரசிகர்கள் உற்சாகம்!
ஆனால் கடந்த திங்கள் அன்று 7,500 மெகாவாட் மட்டுமே மின்சாரம் உற்பத்தியானது. இதனால் மாநிலத்தின் பல்வேறு பகுதிகளில் அறிவிக்கப்படாத மின்வெட்டு ஏற்பட்டது. வழக்கமாக மாலை நேரத்தில் தான் அதிகப்படியான மின்சாரப் பயன்பாடு இருக்கும். ஆனால் தற்போது மின் தடையால் கடும் சிரமம் ஏற்பட்டுள்ளது. இது ஹைட்ரோ, சோலார், காற்றாலை மின்சார உற்பத்திக்கு நெருக்கடியை ஏற்படுத்தியுள்ளதாக மின் உற்பத்தி வட்டாரங்கள் கூறுகின்றன.