Kapil Sibal: “யாரு தலைவரு.. யாரு முடிவு எடுக்குறாங்கனே தெரியல” – கபில் சிபல் வேதனை! – dont know who is taking decisions kapil sibal amid punjab crisis

0
12


ஹைலைட்ஸ்:

  • காங்கிரஸ் கட்சியில் யார் தலைவர் என்றே தெரியவில்லை
  • யார் முடிவு எடுக்கின்றனர் என்பதும் தெரியவில்லை
  • காங்கிரஸ் மூத்த தலைவர் கபில் சிபல் வேதனை

பஞ்சாப் மாநிலத்தில், காங்கிரஸ் கட்சியில் குழப்பம் நீடித்து வரும் நிலையில், அது குறித்து அக்கட்சி மூத்தத் தலைவர் கபில் சிபல் கருத்து தெரிவித்து உள்ளார்.

பஞ்சாப் மாநில முதலமைச்சராக இருந்த, காங்கிரஸ் கட்சியைச் சேர்ந்த கேப்டன் அமரீந்தர் சிங், கட்சித் தலைவர் நவ்ஜோத் சிங் சித்துவுடன் ஏற்பட்ட மோதல் காரணமாக, முதலமைச்சர் பதவியை கடந்த சில நாட்களுக்கு முன்பு, ராஜினாமா செய்தார்.

இந்நிலையில் நேற்று, யாரும் எதிர்பாராத நிலையில், பஞ்சாப் மாநில காங்கிரஸ் கட்சித் தலைவர் பதவியை, நவ்ஜோத் சிங் சித்து ராஜினாமா செய்தார். அவரது ராஜினாமா கடிதத்தை காங்கிரஸ் டெல்லி மேலிடம் ஏற்றுக் கொள்ளவில்லை எனக் கூறப்படுகிறது. பஞ்சாப் மாநிலத்தில் அடுத்த ஆண்டு சட்டப்பேரவைத் தேர்தல் நடைபெற உள்ள நிலையில், காங்கிரஸ் கட்சியில் ஏற்பட்டுள்ள குழப்பம் அக்கட்சிக்கு பெரும் பின்னடைவை ஏற்படுத்தி உள்ளது.
“காங்கிரசை அழிக்க இவரே போதும்!”- பங்கமாக கலாய்த்த பா.ஜ.க., முதல்வர்!
இந்நிலையில், பஞ்சாப் நெருக்கடி குறித்து, டெல்லியில், காங்கிரஸ் மூத்தத் தலைவர் கபில் சிபல் செய்தியாளர்களிடம் கூறியதாவது:
கடந்த ஆகஸ்ட் மாதம் கட்சி தலைமைக்கு கடிதம் எழுதிய 23 பேர்களின் சார்பாக நான் பேசுகிறேன். கட்சி தலைவர், காங்கிரஸ் செயற்குழு, மத்திய தேர்தல் குழுவுக்கு தேர்தல் நடத்துவது குறித்து நடவடிக்கை எடுக்க வேண்டும் என நாங்கள் எதிர்பார்க்கிறோம். எங்களின் கருத்துக்களை தலைமை கேட்க வேண்டும். திறந்த மனதுடன் பேச்சுவார்த்தை நடத்த வேண்டும். நாங்கள் காங்கிரஸ் கட்சிக்கு எதிரானவர்கள் அல்ல.

நாம் ஏன் இந்த நிலையில் இருக்கிறோம் என்பதை அறிந்து கொள்வதற்காக காங்கிரஸ் செயற்குழு கூட்டத்தை உடனடியாக கூட்ட வேண்டும் என தலைவருக்கு எனது சக மூத்த நிர்வாகி ஒருவர் கடிதம் எழுதலாம் அல்லது எழுதியிருக்கலாம் என நான் எதிர்பார்க்கிறேன். காங்கிரசின் தற்போதைய நிலையை பார்க்க முடியவில்லை.

“கலைஞரின் வருமுன் காப்போம்” திட்டத்தை தமிழக முதல்வர் துவக்கி வைத்தார்!

நமது கட்சியில் தலைவர் என யாரும் இல்லை. இதனால், யார் முடிவு எடுக்கிறார்கள் என்பது தெரியவில்லை. எல்லையில் உள்ள மாநிலத்தில் நடக்கும் நிகழ்வுகள் பாகிஸ்தான் மற்றும் ஐ.எஸ்.ஐ.,க்கு சாதகமாக மாறும். பஞ்சாபின் வரலாறு குறித்தும் பிரிவினைவாதிகளின் எழுச்சி குறித்தும் நமக்கு தெரியும். அனைவரும் ஒற்றுமையாக உள்ளதை காங்கிரஸ் உறுதி செய்ய வேண்டும். பஞ்சாப் மாநில தலைவரை டெல்லியில் இருந்து நியமிக்கக்கூடாது. அம்மாநில நிர்வாகிகளுடன் கலந்து பேச வேண்டும்.

தலைமை பதவி குறித்து கடிதம் எழுதிய 23 பேரும் வேறு எங்கும் செல்ல விரும்புபவர்கள் அல்ல. நாங்கள் உறுதியாக உள்ளோம். கட்சி தலைமைக்கு நெருக்கமானவர்கள் தான் வேறு கட்சிக்கு சென்றுள்ளனர். நெருக்கமானவர்கள் அல்ல என தலைமை கருதியவர்கள் தான் தொடர்ந்து கட்சியில் உள்ளனர்.
மின் கட்டணம் தள்ளுபடி: முதலமைச்சர் ஜாக்பாட் அறிவிப்பு!
நாட்டில் உள்ள ஒவ்வொரு காங்கிரஸ் நிர்வாகியும் கட்சியை பலப்படுத்துவது குறித்து சிந்திக்க வேண்டும். பல மாநிலங்களில் முக்கிய தலைவர்களை காங்கிரஸ் இழந்து வருகிறது. அவர்கள் வேறு கட்சிக்குச் செல்கின்றனர். காங்கிரசால் மட்டுமே நமது குடியரசை காப்பாற்ற முடியும். எனவே, கட்சியில் இருந்து சென்றவர்கள் மீண்டும் வர வேண்டும்.
இவ்வாறு கபில் சிபல் கூறினார்.