how to use blotting pappers for oily face: எண்ணெய் சருமத்திலும் நாள் முழுக்க மேக்- அப் கலையாமல் இருக்க உதவும் ஃப்ளோட்டிங் ஷீட்! – benefits and uses of blotting papers for oily skin

0
20


ஹைலைட்ஸ்:

  • எண்ணெய்பசை இருப்பவர்கள் வெறும் ப்ளோடிங் பேப்பரை மட்டும் கொண்டு அதை சரிசெய்ய முடியுமா
  • உதட்டில் இருக்கும் எண்ணெய்களையும், உமிழ்நீரையும் உறிஞ்சு உதட்டை உலர வைப்பதோடு

இயல்பான மேக் அப் கூட அவை கலைந்து சற்று நேரத்தில் அதிகபடியாய் தோன்றுமளவுக்கு கலைந்து முகத்தில் எண்ணெய்பசையை வழியவிடக்கூடும். முகத்தை சுத்தமாக கழுவி நன்றாக உலர வைத்து மேக் அப் பயன்படுத்தினாலும் வெளியே சென்ற சில மணி நேரங்களில் முகத்தில் எண்ணெய்பசை வெளிப்பட தொடங்கும். அதிலும் கன்னம், நெற்றி, மூக்கு, வாயை சுற்றியிருக்கும் பகுதிகளில் சற்று அதிகப்படியாகவே தெரியும். மேக் அப் கலைய கூடாது, முகத்தில் எண்ணெயும் வடியக்கூடாது, ஆனால் வீடு திரும்பும் வரை மேக் அப் கலையாமல் இருக்க வேண்டும் என்பவர்களுக்கும் அதை கவனமாக சருமத்திலிருந்து உறிஞ்சக்கூடிய ப்ளோட்டிங் ஷீட் கொண்டு பராமரிக்கமுடியும். இது குறித்து தெரிந்துகொள்வோம்.

மேக் அப் பயன்படுத்துவதற்கு முன்பு சன்ஸ்க்ரீன் அல்லது வேறு எந்த வகை க்ரீம்களை பயன்படுத்தினாலும் நீங்கள் ப்ளோட்டிங் பேப்பர் கொண்டு தட்டவும். இவை முகத்தில் இருக்கும் அதிகப்படியான எண்ணெயை உறிஞ்சு அன்றைய தினம் எண்ணெய் இல்லாமல் பாதுகாக்கிறது.

மேக் அப் பயன்பாடு குறைந்தது 10 மணி நேரங்கள் இருக்கவேண்டும் என்று விரும்புபவர்கள், பொதுவான மேக் அப் பயன்பாடு கொண்டவர்கள் முகத்தை எண்ணெய் பசை தெரியாமல் வைத்திருக்க ப்ளோட்டிங் ஷீட் எளிதாக உதவுகிறது. தற்போது எண்ணெய்பசை சருமத்தை கொண்டிருப்பவர்களுக்கு பிரத்யேகமான மேக் அப் பயன்பாட்டு சாதனங்கள் கிடைத்தாலும் கூட இந்த ப்ளோட்டிங் ஷீட் கூடுதலாக சருமத்தில் இருக்கும் எண்ணெய்பசையை உறிஞ்சு எடுக்க பயன்படுகிறது.

வெயில்ல நிறம் கருத்து போகுதா, கலர் மாறாம இருக்க இதை பண்ணுங்க..

உங்கள் உதட்டுக்கு லிப்ஸ்டிக் பயன்படுத்தும் போதும் நீங்கள் ப்ளோட்டிங் ஷீட் பயன்படுத்தலாம். முதல் முறை லிப்ஸ்டிக் போட்டவுடன் இந்த ப்ளோட்டிங் ஷீட் பயன்படுத்தி உதடை துடைக்கவேண்டும். பிறகு இரண்டாவது முறையாக லிப்ஸ்டிக் பயன்படுத்தினால் நாள் முழுவதும் லிப்ஸ்டிக் கலையாமல் இருக்கும். உதட்டில் இருக்கும் எண்ணெய்களையும், உமிழ்நீரையும் உறிஞ்சு உதட்டை உலர வைப்பதோடு அடுத்து லிப்ஸ்டிக் பயன்படுத்தும்போது அவை நீண்ட நேரம் உதட்டில் இருக்கவும் அவை உதவுகிறது.

முகத்தில் மேக் அப் பயன்பாட்டுக்கு பிறகு அவை மிகவும் அதிகப்படியாக இருந்தாலும் கூட நீங்கள் ப்ளோட்டிங் ஷீட் பயன்படுத்தலாம். இவை ஒப்பனையை கலைக்கவும் செய்யாது. அதே நேரம் முகத்தில் நீண்ட நேரம் ஒப்பனை கலையாமல் வைத்திருக்கவும் உதவும். முகத்தில் அதிகப்படியான எண்ணெயை உறிஞ்சு எடுக்க இவை உதவும்.

எப்படி பயன்படுத்துவது?
ப்ளோட்டிங் ஷீட்டிலிருந்து ஒரு தாளை இழுத்து உங்கள் முகத்தில் டி இடத்தில் மூக்கு, கன்னம், நெற்றி பகுதியில் தொடங்கி அதை மெதுவாக அழுத்தவும். அவை சருமத்திலிருக்கும் எண்ணெய் பசையை உறிஞ்சிக் கொள்ளும். சருமம் வறட்சியானது போல் வரும் போது அதை எடுத்து விட வேண்டும். தாளை அழுத்தவோ முகத்தில் துடைக்கவோ செய்யகூடாது. தாளின் நிறம் எண்ணெய் பசையை உறிஞ்சியதும் மாறக்கூடும். பிறகு அதை எடுத்துவிட வேண்டும். பயன்படுத்திய தாளை வேறு இடத்தில் ஒட்ட முயற்சிக்க கூடாது. அப்படி செய்தால் தாளில் இருக்கும் எண்ணெய்பசை முகத்தில் அந்த பகுதியில் ஒட்டிவிடக்கூடும். அதிகப்படியான எண்ணெய்பசை கொண்டிருப்பவர்கள் மூன்று மணி நேரத்துக்கு ஒருமுறை இதை பயன்படுத்தலாம்.

சிலர் ஈரப்பதமான தாளை பயன்படுத்துவதுண்டு. ஆனால் இதை பயன்படுத்தும் போது ஒப்பனை கலைகிறது. இதனால் மீண்டும் அவர்கள் ஒப்பனை செய்ய வேண்டும். அதோடு இவை சருமத்துக்கு கடுமையான வறட்சியை உண்டாக்ககூடும். எண்ணெய் பசை சருமத்தை கொண்டிருப்பவர்கள் மேக் அப் கலையாமல் இருக்க, வெளியில் செல்லும் போதும் ப்ளோட்டிங் ஷீட் மறக்காமல் கைப்பையில் வைத்திருங்கள். இதை கொண்டு உங்கள் முகத்தில் ஒப்பனை கலையாமல் பாதுகாக்க முடியும்.

எண்ணெய் சருமத்துக்கு ஏற்ற ஹோம் பேஸ்பேக்

எண்ணெய்பசை இருப்பவர்கள் வெறும் ப்ளோடிங் பேப்பரை மட்டும் கொண்டு அதை சரிசெய்ய முடியுமா என்று கேட்கலாம். ஆனால் இவை சருமத்தில் இருக்கும் எண்ணெயை உறிஞ்சக்கூடியதே தவிர அதை நிரந்தரமாக போக்க உதவுவாது. தற்காலிக தீர்வாகத்தான் இதை பயன்படுத்த முடியும்.
தொடர்ந்து சருமம் அதிக எண்ணெய்பசைக்கு உள்ளானால் நீங்கள் மருத்துவரை அணுகி சிகிச்சை பெறுவதன் மூலம் உங்கள் சருமத்தை பாதுகாக்கலாம்.