how to stop hair fall: முடி கொட்டாம வளர உதவும் பொன்னாங்கண்ணி எண்ணெய், பாரம்பரிய தயாரிப்பு! – how to control hair fall by using ponnanganni hair oil

0
18


பொன்னாங்கண்ணி கீரை. இதை பேச்சு வழக்கில் பேசும் போது மின்னும் மேனி பொன்னாங்கண்ணி என்று சொல்வார்கள். வயல் வரப்புகளிலும், கிணற்றடியிலும், குளங்களிலும் வளர்ந்து கிடக்கும். எளிதாக கிடைக்க கூடிய இந்த கீரையை உள்ளுக்கு எடுத்துகொண்டால் அவ்வளவு நன்மை தரக்கூடியது. உடல் பலவீனம் போக்கும். உடல் உஷ்ணம் தணிக்கும், கண்களுக்கு குளிர்ச்சி தரும், வயிற்றுகோளாறு குணப்படுத்தும். சருமத்துக்கு புத்துணர்ச்சி தந்து மேனியை பளபளப்பாக வைத்திருக்க உதவும். உடல் உறுப்புகள் அனைத்துக்கும் பலம் தரும் பொன்னாங்கண்ணி கீரையை கொண்டு கூந்தலுக்கு செய்யும் தைலத்தை எப்படி தயாரிப்பது என்று பார்க்கலாம். இந்த தைலம் கூந்தல் பிரச்சனைகளை சரிசெய்து முடி வளர்ச்சியை ஊக்குவிப்பதோடு கண்களுக்கு குளிர்ச்சி தரவும் செய்யும்.

வேகமா முடிவளர வீட்லயே மூலிகை எண்ணெய் தயாரிக்கலாமா?

பொன்னாங்கண்ணி தைலம்

பொன்னாங்கண்ணி கீரை – 1 கட்டு
நெல்லிக்காய் – 10
நல்லெண்ணெய் – 250 மில்லி
விளக்கெண்ணெய் – 50 கிராம் ( அடர்த்தி பிசுபிசுப்பு பிடிக்கவில்லை என்றால் இன்னும் குறைத்து 25 கிராம் சேர்க்கவும்)
தேங்காயெண்ணெய் – 50 மில்லி
மிளகு – 10 கிராம்

பொன்னாங்கண்ணி கீரையை ஆய்ந்து சுத்தம் செய்து மண் போக கழுவி வைக்கவும். இதை காம்பு நீக்கி இலையை மட்டும் எடுத்து அலசி நீரை வடிகட்டி வைக்கவும்.
நெல்லிக்காயை கொட்டைநீக்கி தோலை எடுக்கவும்.
இப்போது கீரையையும், நெல்லிக்காயையும் நீர் விடாமல் அரைத்து சாறு எடுக்கவும். சாறு நன்றாக வரும். இந்த சாறை வெயிலில் வைத்து அரைமணி நேரம் கழித்து எடுத்தால் சாறில் மேலும் நீர்த்திருக்கும் பகுதி வெளியேறும். இறுதியாக அடர்ந்த சாறு கிடைக்கும்.

இந்த சாறுடன் எண்ணெய் சேர்த்து நன்றாக கலக்கவும். இந்த மூன்றையும் கனமான பாத்திரத்தில் சேர்த்து அடுப்பில் மிதமான தீயை வைத்து காய்ச்சவும். சாறு கலந்து எண்ணெயோடு சேர்ந்து கிடைக்கும். சாறின் அடர்ந்திருக்கும் பகுதி எண்ணெயின் அடியில் இருக்கும். இந்த எண்ணெயை நாள் முழுக்க வைத்து தெளியவைத்து மேலாக எண்ணெய் ஜாடியில் ஊற்றி வைத்து மிளகு பொடித்து சேர்க்கவும்.

முடி கொட்டுதா, இயற்கை மூலிகையான இந்த வடையை எண்ணெயில் போடுங்க! கொட்டாம வளரும்!

எப்படி பயன்படுத்துவது

இந்த எண்ணெயை தினமும் தலைக்கு தேய்த்து பயன்படுத்தலாம். ஆனால் விளக்கெண்ணெய் பிசுபிசுப்பு ஓரளவாவது இதில் இருக செய்யும். அதோடு கூந்தலில் அதிக எண்ணெய் படியுமே என்று நினைப்பவர்கள் தலைக்கு எண்ணெய் வைக்கும் போதெல்லாம் விரலால் தொட்டு உச்சந்தலையின் ஸ்கால்ப் பகுதியில் இதை தடவி விடலாம்.

தலைக்கு எண்ணெய் தேய்த்து குளிக்கும் போது இந்த எண்ணெயை கூந்தல் முழுக்க தடவி குளிக்கலாம். இந்த எண்ணெயை இலேசாக சூடாக்கி ஆயில் மசாஜ் செய்து ஹேர் கவர் செய்து ஒரு மணி நேரம் வரை ஊறவைத்து மிதமான் வெந்நீரில் தலைக்கு குளிக்கலாம். தலைவலி, சைனஸ் தொந்தரவால் அவதிபடுபவர்கள் எண்ணெய் குளியலை தவிர்ப்பார்கள். அவர்களும் இந்த தைலத்தை தலையில் தேய்த்து குளிக்கலாம். இதில் மிளகு பொடி சேர்ப்பதால் குளிர்ச்சி உண்டாக்காது.

கண்களில் அதிக உஷ்ணம் இருப்பவர்கள் இந்த எண்ணெய் குளியல் செய்து வந்தால் கண்கள் குளிர்ச்சி அடையும்.
பொன்னாங்கண்ணி கூந்தலுக்கு ஊட்டம் கொடுப்பதோடு கூந்தலை வலுவாக வைத்திருக்கவும் உதவும். வாரம் ஒரு முறை இந்த எண்ணெயை தேய்த்து குளித்துவந்தால் கூந்தல் உதிர்வு, முடி பிளவு, அடர்த்தி குறைவு, வளர்ச்சியின்மை போன்ற அனைத்து பிரச்சனைகளும் நீங்கும். நெல்லிக்காய் சேர்ப்பதால் கூந்தலுக்கு வலு கிடைப்பதோடு இளநரை பிரச்சனைகளும் வராமல் தடுக்கமுடியும். இந்த எண்ணெயை ஆறு மாத காலம் வரை வைத்திருந்து பயன்படுத்தலாம். இதை வளரும் பிள்ளைகள் முதல் அனைவரும் பயன்படுத்தலாம்.