how to make amla supari: கர்ப்பிணிக்கு குமட்டலை கட்டுப்படுத்தி எதிர்ப்பு சக்தி அளிக்கும் நெல்லி பாக்கு, தயாரிக்கும் முறையும் நன்மைகளும்! – preparation and benefits of amla supari for pregnant women

0
20


ஹைலைட்ஸ்:

  • மசக்கை, வாந்தி, குமட்டலை போக்குவதோடு வாய் துர்நாற்றத்தையும் போக்க உதவும் நெல்லி பாக்கு
  • எளிய தொற்றுகளான சளி மற்றும் இருமல் தொற்றுகளை தடுக்கிறது. அவை தீவிரமாகாமல் தடுக்கிறது.


நெல்லிக்காய் சத்து நிறைந்தது. எல்லா வயதினருக்கும் சத்து கொடுக்கும் அற்புதமான ஒன்று. குறிப்பாக கர்ப்பிணிக்கு மசக்கை அறிகுறியான வாந்தி, குமட்டல் அறிகுறிகளை போக்க கூடியது. இதை பக்குவமாக நெல்லி பாக்காக தயாரிப்பது எப்படி என்பதை தெரிந்துகொள்வோம்.

நெல்லிக்காய் வைட்டமின் சி கொண்டது. குழந்தைகள், கர்ப்பிணிகள், வயதானவர்கள் என பாகுபாடின்றி அனைவருமே இதை எடுத்துகொள்ளலாம். உடலுக்கு எதிர்ப்பு சக்தி அளிக்க கூடியது. புளிப்பும், இனிப்பும், துவர்ப்பும் நிறைந்த இது எளிதாக கிடைக்க கூடிய பொருளும் கூட.

இந்த நெல்லிக்காயை கொண்டு கர்ப்பிணிக்கு உண்டாகும் மசக்கை, வாந்தி, குமட்டலை போக்குவதோடு வாய் துர்நாற்றத்தையும் போக்க உதவும் நெல்லி பாக்கு தயாரிக்கும் முறை மற்றும் அதன் நன்மைகள் குறித்தும் இந்த கட்டுரையில் பார்க்கலாம்.

பெரிய மார்பகத்தையும், தளர்ந்திருக்கும் மார்பகத்தையும் சிறியதாக்குவது எப்படி, சின்னச் சின்ன குறிப்புகள்!

நெல்லி பாக்கு

நெல்லிபாக்கு செய்வதற்கு தேவையானவை

நெல்லிக்காய்- அரை கிலோ
ஓமம் விதைகள் – 3 டீஸ்பூன்
பெருஞ்சீரகம் – 3 டீஸ்பூன்
கருப்பு உப்பு – 2 டீஸ்பூன்
கல் உப்பு – 2 டீஸ்பூன்

நெல்லிபாக்கு செய்முறை

நெல்லிக்காயை சுத்தம் செய்யவும். ஐந்து கப் தண்ணீரை கொதிக்க வைத்து நெல்லிக்காயை அதில் சேர்க்கவும். இதை மிதமான தீயில் வைத்து 15 நிமிடங்கள் வரை வைத்திருந்து இறக்கவும். இந்த தண்ணீரை வடிகட்டி விடவும். நெல்லிக்காயை அகலமான தட்டில் கொட்டி பரத்தி வைக்கவும். நெல்லிக்காய் ஆறும் வரை வைத்திருக்கவும்.

நெல்லிக்காயை கொட்டை நீக்கி துண்டுகளாக்கி வைக்கவும் ஓமம் மற்றும் பெருஞ்சீரகத்தை குறைந்த தீயில் வறுத்து விடவும். இதைத் தனியாக மிக்ஸியில் பொடியாக்கி பிறகு கலக்கவும். பிறகு நெல்லிக்காய் துண்டுகளில் கலந்து நன்றாக குலுக்கி பிறகு தேவையான அளவு கருப்பு உப்பு சேர்க்கவும். பிறகு நன்றாக குலுக்கி எடுக்கவும். இதை ஐந்து முதல் 7 நாட்கள் வரை சூரிய ஒளிபடும்படி வைத்து எடுக்கவும். இவை மொறுமொறுப்பாக நன்றாக காய்ந்ததும், காற்றுபுகாத பாட்டிலில் வைத்து எடுக்கவும்.

இதை வளரும் பிள்ளைகள் முதல் வயதானவர்கள் வரை அனைவரும் சாப்பிடலாம். இது வாய் துர்நாற்றத்தை போக்கி புத்துணர்ச்சியாக வைத்திருக்கும். கர்ப்பகாலத்தில் கர்ப்பிணிகளுக்கு இவை பெரிதும் கை கொடுக்கும்.

கர்ப்பிணிக்கு நெல்லி பாக்கு

கர்ப்பகாலத்தில் மசக்கை என்னும் பிரச்சனையின் அறிகுறியே வாந்தியும், குமட்டலும் தான். உமிழ்நீரிலும் ஒரு வித வாந்திஉணர்வை எதிர்கொண்டிருப்பார்கள். அதோடு குடிக்கும் தண்ணீர் கூட வாந்தியாக வெளியேறிவிடுவதுண்டு. இதனால் கர்ப்பிணிக்கும் வயிற்றில் வளரும் குழந்தைக்கும் சத்துக்கள் பற்றாக்குறையாக இருக்கலாம். கர்ப்பகாலத்தில் மசக்கை அறிகுறி குறைக்க நெல்லிப்பாக்கு உதவும்.

பிரயாணம் பண்ணும் போது வாந்தியும் குமட்டலும் இருக்கா, இதை செய்தா வாந்தி வராதாம்! குழந்தைக்கும் உதவும்!

கர்ப்பிணிக்கு அதிக வாந்தி குமட்டல் போன்றவற்றை தடுக்கிறது. நெல்லிப்பாக்கு வாயில் இட்டு பொறுமையாக மெல்லும் போது அது இரைப்பை சாற்றை வெளியிடுகிறது. இதனால் அஜீரணக்கோளாறு வராமல் தடுக்கலாம். உணவு செரிமானத்தை தூண்டுகிறது. கர்ப்பிணிக்கு வயிறு வலி தீவிரம் குறைக்கிறது.

கர்ப்பிணிக்கு நெல்லி பாக்கு

கர்ப்பிணிக்கு எளிதாக காய்ச்சல் தொற்று வரக்கூடும். நெல்லி வைட்டமின் சி கொண்டது. இது எளிய தொற்றுகளான சளி மற்றும் இருமல் தொற்றுகளை தடுக்கிறது. அவை தீவிரமாகாமல் தடுக்கிறது.

கருவுற்ற முதல் மாதத்திலிருந்து பிரசவத்தின் இறுதி மாதம் வரையில் இதை எடுத்துகொள்ளலாம். அதிகமாக எடுக்க வேண்டியதில்லை. காலையிலும் மாலையிலும் இரண்டு மட்டும் எடுத்து சாப்பிட்டு வந்தால் போதும். இது சுவையானதும் கூட. வாய்க்கு நன்றாகவும் இருக்கும். வெறும் வாயில் இதை இட்டு மெல்லலாம்.

குறிப்பு:

நெல்லிப்பாக்கு சுவையாக இருந்தாலும் நாக்குக்கு மசக்கை கால அறிகுறிக்கு நன்றாக இருக்கிறதே என்று அதிகமாக சாப்பிடக்கூடாது. நெல்லிப்பாக்கு தொடர்ந்து இரண்டு என்று எடுத்தாலும் ஏதேனும் அசெளகரியம் உணர்ந்தால் மருத்துவரை அணுகி முறையான ஆலோசனைக்கு பிறகு எடுத்துகொள்ளுங்கள்.