how to live healthy: ஆரோக்கியமான வாழ்க்கை வாழ ஊட்டச்சத்து நிபுணர்கள் கூறும் 10 விஷயங்கள் இதோ… – 10 tips giving from nutritionist for living healthy life

0
16



இன்றைய நவீன உலகில் நம் முன்னோர்கள் பின்பற்றிய பல ஆரோக்கியமான வாழ்க்கை முறைகள் தற்போது காணாமல் போய் விட்டன என்றே கூறலாம். தலைமுறை தலைமுறையாக வரும் பழக்க வழக்கங்கள், வாழ்கை முறை விஷயங்கள் ஆனது மாறிக் கொண்டே வருகிறது. இதைத் தொடர்ந்து மனிதர்களின் ஆயுட்காலமும் குறைந்து கொண்டே வருகிறது. இப்பொழுது எல்லாம் ஒரு ஆரோக்கியமான மனிதனை பார்ப்பது என்பது ஆபூர்வமான விஷயமாக உள்ளது. இதற்கு என்ன காரணம் என விளக்குகிறார் பிரபல ஊட்டச்சத்து நிபுணர்.

இந்த 10 ஆரோக்கியமான அம்சங்களையும் பின்பற்றி வந்தாலே நாம் நீண்ட காலம் ஆரோக்கியமாக வாழ முடியும் என்பது ஊட்டச்சத்து நிபுணரின் கருத்து. சரி வாங்க அந்த 10 ஆரோக்கியம் பற்றிய ரகசியங்களை பற்றி இங்கே அறிந்து கொள்வோம்.

ஆரோக்கியமாக வாழ பின்பற்ற வேண்டிய 10 அம்சங்கள் :

நம் முன்னோர்கள் அந்தக்காலத்தில் சட்னி மற்றும் குழம்பு மசாலா தயாரிக்க அம்மி மற்றும் ஆட்டு உரலை பயன்படுத்தி வந்தனர். ஆனால் தற்போது எலக்ட்ரானிக் மிக்ஸி மற்றும் கிரைண்டரை பயன்படுத்துகிறோம். முதலில் இதை நாம் மாற்ற வேண்டும். நம் பாரம்பரிய முறைப்படி அம்மி மற்றும் ஆட்டுரலை பயன்படுத்தி மசாலா மற்றும் சட்னி தயாரித்து சாப்பிடுவது சிறந்தது.

  • குளிர்ந்த நீருக்காக பிரிட்ஜ் போன்ற நவீன அம்சங்களை பயன்படுத்தாமல் மண் பானைகளை பயன்படுத்தலாம். இது நீரில் உள்ள சத்துக்கள் போகாமல் குளிர்வித்து தருகிறது.
  • மேலும் உங்களுக்கு தேவையான காய்கறி தோட்டங்களை வீட்டிலேயே வளர்க்கலாம். ஏனெனில் இப்பொழுது எல்லாம் பூச்சிக் கொல்லி இராசயனங்கள் இல்லாத காய்கறிகள் வெளியில் கிடைப்பது அபூர்வமாக உள்ளது. இதுவும் உங்க ஆரோக்கியத்தை கெடுக்கக் கூடும். எனவே உங்க முன்னோர்கள் பின்பற்றிய வேளாண்மை முறைகளையும் ஆர்கானிக் காய்கறிகளையும் பயிரிடுங்கள்.
  • உங்க சருமத்திற்கு கண்ட கண்ட கெமிக்கல் நிறைந்த அழகு சாதனப் பொருட்களை பயன்படுத்துவதற்கு பதிலாக பால் மற்றும் தாமரைப்பூ விதைகளை பயன்படுத்துங்கள். இது உங்க வறண்ட சருமத்தை போக்கி பொலிவான சருமத்தை தரும்.
  • நெஞ்செரிச்சல் மற்றும் வயிற்று பிரச்சினைகள் இருந்தால் அதற்கு ஓமம், லெமன் மற்றும் கல் உப்பை பயன்படுத்தலாம். இது பண்டைய காலத்தில் நம் முன்னோர்கள் பின்பற்றிய எளிய இயற்கையான தீர்வு. இந்த இயற்கை பொருட்கள் உங்க சீரண சக்தியை மேம்படுத்த உதவி செய்யும்.
  • பருப்பு மற்றும் தானிய வகைகள் சீக்கிரம் கெட்டுப் போகாமல் தடுக்க அந்த டப்பாக்களில் சில பிரியாணி இலைகளை போட்டு பராமரிக்க வேண்டும். இது அவைகள் புழு பூச்சால் அரிக்காமல் இருக்க உதவி செய்யும்.
  • மீதமுள்ள பருப்பு அல்லது சப்ஜி மீந்து போய் விட்டால் அதை கீழே கொட்டாமல் சப்பாத்தி மாவுடன் பிசைந்து சப்பாத்தி சுட்டு சாப்பிடலாம். சத்தான உணவாக இருக்கும்.
  • உங்களுக்கு சர்க்கரை அல்லது இனிப்பை சாப்பிட தோன்றும் போது நெய் மற்றும் சர்க்கரையை சாப்பிட்டு வரலாம்.
  • பெண்களுக்கு ஒழுங்கற்ற மாதவிடாய் பிரச்சினைகள் இருந்தால் நெய், வெல்லம், ஓமம், சீரக விதைகள் மற்றும் இஞ்சி பொடி சேர்த்து உருண்டை செய்து சாப்பிட்டு வாருங்கள். இது ஒழுங்கற்ற மாதவிடாய் பிரச்சினைகளை களைய உதவுகிறது. அதே மாதிரி நீங்கள் எப்பொழுது சாப்பிட்டாலும் குடும்பத்துடன் ஒன்றாக சேர்ந்து உட்கார்ந்து சாப்பிடுங்கள். இது உங்க மனதிற்கு மகிழ்வை தரும்.