how to avoid dandruff: பெரும் பொடுகையும் நீக்கும் வேப்பிலை மருந்தை எப்போது எப்படி பயன்படுத்தணும்? – how to get rid of dandruff by using neem leaf

0
18


ஹைலைட்ஸ்:

  • வேப்பிலை பயன்படுத்தும் நாளில் கண்டிப்பாக ஷாம்புக்களை பயன்படுத்தகூடாது. சீயக்காய் தூளை கஞ்சி சேர்த்து
  • வேப்பிலையின் தன்மையால் பொடுகை விரட்டமுடியும் என்றாலும் உரிய முறையில் அதை பயன்படுத்தாவிட்டால் …

பொடுகு குறித்து சருமபராமரிப்பு நிபுணர்கள் கூறியதை இதற்கு முன்பு கவனித்திருக்கிறோம்.பங்கஸ் மற்றும் ஹார்மோன் சுரப்பால் உண்டாகும் பொடுகு தலையில் ஸ்கால்ப் பகுதியில் அதிகமாக தென்படும். இவை தலையில் ஆரம்பமாகும் போதே கவனித்துவிட வேண்டும். இல்லையெனில் முகத்தின் முன்பகுதியில் நெற்றிபகுதியில் படரும் போது பருக்களாக உருவெடுக்கும். அதிலும் எண்ணெய் பசை கொண்டிருப்பவர்களாக இருந்தால் பொடுகு வளர்ச்சி அபரிமிதமாக இருக்கும்.இப்படி பாடாய்ப்படுத்தும் பொடுகு நீக்க பல பொருள்களை பயன்படுத்துகிறோம்.

சட்டென்று பொடுகு நீங்ககெமிக்கல் கலந்த ஷாம்புக்களை பயன்படுத்துவதுண்டு. இவை பொடுகையும் போக்கும் கூடவே கூந்தலின் பொலிவையும் போக்கும். அதனால் பொடுகை விரட்டி அடிக்க பல்வேறு இயற்கை பொருள்களை நாடுவதுண்டு. அதில் ஒன்று வேப்பிலை.

இவை பொடுகையும் கூடவே தலையில் அரிப்பையும் எரிச்சலையும் பேன் தொல்லையும் சேர்த்து நீக்கும். பொடுகு அதிகமாகும் போது அவை செதில் செதிலாக உதிரதொடங்கும். அப்போது அதை கட்டுப்படுத்தாவிட்டால் அதிகப்படியான அரிப்பு, தடிப்பு, புண், நமைச்சல் போன்றவற்றோடு கூடுதலாக பேன் போன்ற ஒட்டுண்ணிகள் வாழவும் இடமளித்துவிடும். சரி இப்போது வேப்பிலையை எப்படி பொடுகுக்கு பயன்படுத்தலாம் என்பது குறித்து தெரிந்துகொள்வோம்.

இயற்கை முறையில் பல பொருள்கள் இருந்தாலும் வேப்பிலை பொடுகையும் தலையில் இருக்கும் ஒட்டுண்ணிகளையும் சேர்த்துவிரட்டும் குணங்களை கொண்டது. தளிர் வேப்பிலையை எடுத்து காம்பு நீக்கி சுத்தம் செய்து மிக்ஸியில் மைய அரைத்துகொள்ளுங்கள் வேப்பிலை அதிகப்படியான உஷ்ணத்தை கொண்ட பொருள் என்பதால் உடன் தயிரை புளிக்கவைத்து சேர்த்துகொள்ளலாம்.

பொடுகு பிரச்சனை குணப்படுத்தகூடியதா? கட்டுப்படுத்தகூடியதா? என்ன சொல்கிறார்கள் சருமபராமரிப்பு மருத்துவர்கள்…

மிக்ஸியில் அரைத்து எடுத்த விழுதை கூந்தலின் ஸ்கால்ப் பகுதி முதல் கூந்தல் நுனிவரை தடவ வேண்டும். கூந்தலில் சிக்கில்லாமல் இருக்க வேண்டும். வெறும் கைகளாலேயே கூந்தலில் தடவலாம் என்றாலும் அவை கூந்தலில் சீராக பரவாது. அதனால் டை பிரஷ் கொண்டு அதற்கு தோதாக வேப்பிலை மசியலை அரைத்து தலை முழுவதும் பூச வேண்டும். இவை தலையில் பட்டதும் தலையில் அரிப்பு அதிகமாகும். ஒட்டுண்ணி பேன் இருந்தால் இன்னும் கூடுதலாக நமைச்சலும் இருக்கும்.

முதல் முறை எனில் 40 நிமிடங்களில் தலையை அலச வேண்டும். கூந்தல் உஷ்ணமாக இருந்தால் முடி உதிர்வு அதிகரிக்கும். அதை பொறுத்து நீங்கள் வேப்பிலையை அதிக நேரம் ஊறவைக்கலாம். அதிகபட்சம் 1 மணி நேரம் இருந்தாலே போதுமானது. வேப்பிலை பயன்படுத்தும் நாளில் கண்டிப்பாக ஷாம்புக்களை பயன்படுத்தகூடாது. சீயக்காய் தூளை கஞ்சி சேர்த்து குழைத்து நன்றாக தடவி தலையில் சூடு பறக்க தேய்த்து அலச வேண்டும்.

மிதமான வெந்நீரை தலைக்கு பயன்படுத்த வேண்டும். நன்றாக தலையை கசக்கி குளித்து முடித்ததும் தலையை துவட்டி விட வேண்டும். பிறகு வெள்ளை நிற துணியை வெந்நீரில் முக்கி எடுத்து பிழிந்து தலையை சுற்றி இறுக்க கட்ட வேண்டும். 20 நிமிடங்கள் கழித்து டவலை எடுத்து விரித்தால் பொடுகு, பேன் அனைத்தும் துணியில் ஒட்டி இருக்கும் பிறகு கூந்தலை வேகமாக உதறி எடுத்து சிக்கில்லாமல் சீவ வேண்டும். தலை காய காய உதறி எடுத்தால் கூந்தலில் படிந்திருக்கும் பொடுகுகளும் நீங்கும். வேப்பிலை விழுதும் நீங்கும்.

பிறகு கூந்தல் நன்றாக காய்ந்ததும் ஆலிவ் எண்ணெயை 4 சொட்டுகள் உள்ளங்கையில் தேய்த்து தலையில் ஸ்கால்ப் பகுதியில் நன்றாக இலேசாக மசாஜ் செய்ய வேண்டும். வேப்பிலை அதிக உஷ்ணம் நிறைந்தது என்பதால் அவை முடியை பலவீனமாக்கிவிடவும் கூடாது என்பதால் பொடுகுக்கு வேப்பிலை பயன்படுத்தும் போது முடியையும் பலப்படுத்த வேண்டும். இல்லையெனில் முடி உதிர்வு அதிகரிக்க தொடங்கும். முடிகளின் வளர்ச்சியும் அடர்த்தியும் கூட குறைய தொடங்கும்.

Prickly : வியர்க்குருவை விரட்டி அடிக்க இது போதும்..

வேப்பிலையின் தன்மையால் பொடுகை விரட்டமுடியும் என்றாலும் உரிய முறையில் அதை பயன்படுத்தாவிட்டால் பொடுகோடு முடியையும் சேர்த்து இழக்க நேரிடவும் வாய்ப்புண்டு. அதனால் தான் இயற்கை பொருளை பயன்படுத்தும் போது அதன் குணம் முழுவதையும் தெரிந்து பயன்படுத்த வேண்டும் என்று சொல்கிறார்கள்.

வேப்பிலையை எப்படி பயன்படுத்த வேண்டும் என்று தெரிந்துகொண்டோம். ஆனால் எப்போது பயன்படுத்த வேண்டும் என்பதையும் தெரிந்துகொள்ள வேண்டும் பொடுகு நிரந்தரமாக போக கூடியது அல்ல. அவை எப்போதெல்லாம் வெளிப்படுகிறதோ அப்போதெல்லாம் அதை கட்டுப்படுத்த வேண்டும் அவ்வளவுதான்.

அதிகப்படியான பொடுகு இருப்பவர்கள் மாதம் ஒரு முறை பயன்படுத்த வேண்டும். தொடர்ந்து 3 மாதங்கள் 3 முறை பயன்படுத்தினால் பொடுகு படிப்படியாக குறைந்துவிடும். அதே போன்று பொடுகு குறைவாக இருப்பவர்கள் கூந்தலை சுத்தமாக வைத்திருக்க விரும்புவர்கள் வேப்பிலையை பயன்படுத்த விரும்புபவர்கள் 3 மாதங்களுக்கு ஒரு முறை மட்டுமே பயன்படுத்த வேண்டும். கூந்தலின் அளவுக்கேற்ப மட்டுமே பயன்படுத்த வேண்டும்.

இயற்கை பொருள்கள் எல்லாமே பக்கவிளைவுகள் இல்லாதவை தான். ஆனால் உரிய முறையில் உரிய நேரத்தில் உரிய அளவு மட்டுமே பயன்படுத்த வேண்டும் என்பது குறிப்பிடத்தக்கது. பொடுகும் பெரும்பாலும் நிரந்தரமானது கிடையாது. அவ்வபோது எண்ணெய்பசை அதிகரிக்கும் போது எட்டிப்பார்க்கும் பொடுகையும் உரிய முறையில் விரட்டினால் பொடுகு பிரச்சனை எப்போதும் இல்லை.