heart attack symptoms: மாரடைப்பு, பக்கவாதம் ஆகியவற்றை முன்கூட்டியே தவிர்க்க என்ன செய்யலாம்… – how to prevent heart attack and stroke in tamil

0
15


ஹைலைட்ஸ்:

  • மாரடைப்பு, பக்கவாதம் போன்ற நோய்களில் உள்ள மிகப்பெரும் பிரச்சனை முன்னறிவிப்பின்றி திடீரென்று ஏற்படும்.
  • நல்ல ஆரோக்கியத்துடன் காணப்படும் ஒரு நபருக்கு கூட திடீரென மாரடைப்பு அல்லது பக்கவாதம் ஏற்படுவதற்கான வாய்ப்புகள் உள்ளன.
  • மாரடைப்பு மற்றும் பக்கவாதம் ஏற்படுவதற்கு உயர் ரத்த அழுத்தம், அதிக கொழுப்பு மற்றும் நீரிழிவு நோய் போன்றவை இதற்கு பொதுவாக காரணமாக உள்ளன என கூறப்படுகிறது.

நெதர்லாந்தில் மேற்க்கொண்ட ஒரு ஆராய்ச்சியில் உடல் செயல்பாடுகளில் ஏற்படும் முன்னேற்றங்கள் உடல் ஆரோக்கியத்திற்கு நன்மை பயக்கும் என கண்டறியப்பட்டது. இந்த ஆய்வானது குறிப்பிட்டு இரத்த அழுத்தம், அதிக கொழுப்பு, நீரிழிவு நோய் போன்ற நோய்கள் கொண்டவர்களிடம் நடத்தப்படவில்லை, மாறாக இது பொது மக்களிடையே நடத்தப்பட்டது.

அதன்பிறகு மற்றொரு ஆய்வில் 88,320 நபர்கள் ஆய்விற்கு உட்படுத்தப்பட்டனர். அவர்கள் அனைவருக்கும் ஒரு வினாத்தாள் வழங்கப்பட்டது. அதில் அவர்களின் மருத்துவ வரலாறு, அதாவது அவர்களுக்கு முன்பு இருந்த அல்லது இருக்கும் நோய்கள், உடற்பயிற்சி முறைகள் மற்றும் அவர்களது வாழ்க்கை முறை தொடர்பான கேள்விகள் அடங்கியிருந்தன.

தினமும் முட்டை சாப்பிட்டு ஆறே மாதத்தில் 36 கிலோ எடையை குறைத்த இளைஞர்…

அனைவரும் இந்த கேள்வித்தாளை பூர்த்தி செய்தனர். ஏறத்தாழ நான்கு ஆண்டுகளுக்கு இந்த கேள்வித்தாள்கள் இந்த மக்களிடையே கொடுத்து மீண்டும் மீண்டும் பூர்த்தி செய்யப்பட்டன. பிறகு நான்கு ஆண்டுகளில் அவர்கள் செயல்பாட்டு நிலையை பொறுத்து அவர்கள் ஐந்து குழுக்களாக பிரிக்கப்பட்டனர். பெரிய மாற்றம், மிதமான மாற்றம், எந்த மாற்றமும் இல்லை, மிதமான முன்னேற்றம், பெரிய முன்னேற்றம் என அந்த குழுக்கள் பிரிக்கப்பட்டன.

இந்த ஆய்வின் தொடக்கத்திலேயே அதில் பங்கேற்றவர்களில் மொத்தம் 18,502 (21 சதவீதம்) நபர்கள் உயர் ரத்த அழுத்தம், அதிக கொழுப்பு மற்றும் நீரிழிவு பிரச்சனைகளை கொண்டவர்களாக இருந்தனர். இந்த குழுவில் உள்ளவர்களின் சராசரி வயது 55 ஆக இருந்தது. அதன் பிறகு ஆய்வானது அவர்களது வயது, பாலினம் மற்றும் உடல் செயல்பாடுகளின் அடிப்படையில் சரி செய்யப்பட்டது. அதன்படி உடல் செயல்பாடுகளில் மிதமான அளவில் முன்னேற்றம் உள்ளவர்கள் மற்றும் பெரிய முன்னேற்றம் உள்ளவர்கள் இருவரிடமும் இருதநோய் ஏற்படுவதற்கான வாய்ப்புகள் குறித்து ஒப்பிட்டு பார்க்கும்போது உடல் செயல்பாடுகளில் அதிக முன்னேற்றம் கொண்டவர்கள் குறைவான முன்னேற்றம் கொண்டவர்களை விடவும் 30 சதவீதம் குறைவான அளவில் இறப்பதற்கான வாய்ப்பை பெற்றிருந்தனர்.

தைராய்டு உள்ளவர்களுக்கான பழ டயட்… இதன்மூலம் எப்படி தைராய்டு ஹார்மோன் சுரப்பை முறைப்படுத்தலாம்…

மீதமுள்ள 69,808 நபர்கள், அதாவது 79 சதவீதம் பங்கேற்றவர்களுக்கு ஆய்வின் தொடக்கத்தில் உயர் ரத்த அழுத்தம், அதிக கொழுப்பு மற்றும் நீரிழிவு போன்ற பிரச்சனைகள் இருக்கவில்லை. இந்த குழுவில் உள்ளவர்கள் சராசரியாக 43 வயதை உடையவர்களாக இருந்தனர். இவர்களிலும் வயது, பாலினம் மற்றும் அடிப்படை உடல் செயல்பாடுகளை கொண்டு ஆய்வின் முடிவு பதிவு செய்யப்பட்டது.

இதில் குறைவான அளவில் உடல் செயல்பாடுகள் உள்ளவர்கள் மிதமான உடல் செயல்பாடுகள் உள்ளவர்களுடன் இதய நோய்கள் குறித்து ஒப்பிட்டு பார்க்கப்பட்டனர். அப்போது மிதமான உடல் செயல்பாடுகளை கொண்டவர்களை விடவும் குறைவான உடல் செயல்பாடுகளை கொண்டவர்கள் இதய நோய்களை பெறுவதற்கான வாய்ப்பு 40 சதவீதம் அதிகமாக இருந்தது.

ஆரோக்கியமான வாழ்க்கை வாழ ஊட்டச்சத்து நிபுணர்கள் கூறும் 10 விஷயங்கள் இதோ…

இதுகுறித்து ஆய்வில் பங்கேற்ற மருத்துவர் ஒருவர் கூறும்போது “மாரடைப்பு மற்றும் பக்கவாதம் போன்ற பிரச்சனைகள் திடீரென உடலில் ஏற்படக்கூடியது என பலர் நினைத்துக்கொண்டுள்ளனர். ஆனால் அதற்கு நமது உடல் செயல்பாடுகளே முக்கிய காரணமாக உள்ளன. எனவே இதய பிரச்சனைகள் ஏற்படுவதற்கான ஆபத்து உள்ளவர்களாக உயர் ரத்த அழுத்தம், அதிக கொழுப்பு மற்றும் நீரிழிவு நோயாளிகள் உள்ளனர்.

அவர்கள் மிகவும் சுறுசுறுப்பாக இருக்க வேண்டும். அவர்கள் தங்களது உடல் செயல்பாடுகளை அதிகப்படுத்திக்கொள்ள வேண்டும். ஏனெனில் அவர்கள் ஆபத்தான நிலையில் இருக்கின்றனர். ஆய்வின் தொடக்கத்தில் ஒப்பீடு செய்து பார்த்தபோது அதிகம் அமர்ந்தே இருப்பவர்கள் மற்றும் செயலற்ற மக்கள் இதயம் தொடர்பான பிரச்சனைகளை பெறுவதற்கான வாய்ப்புகள் அதிகமாக இருந்தன” என கூறுகிறார்.

அரிசியை சமைக்கும்முன் ஏன் ஊறவைக்க வேண்டும்… ஊறவைக்காமல் சமைத்தால் ஏற்படும் ஆபத்துகள் என்ன…

எனவே இந்த ஆய்வு என்ன கூறுகிறது எனில் பக்கவாதம், மாரடைப்பு போன்ற இதயம் தொடர்பான பிரச்சனைகள் ஏற்படாமல் இருக்க தினமும் உடற்பயிற்சி செய்ய வேண்டும். வாரத்திற்கு குறைந்தது 150 நிமிடங்கள் மிதமான அல்லது தீவிரமான உடற்பயிற்சியை மேற்கொள்ள வேண்டும் என நிபுணர்கள் கூறுகின்றனர். எனவே இனி தினமும் அல்லது வாரத்தில் ஐந்து நாட்களாவது உடற்பயிற்சி செய்வதை பழக்கமாக்கி கொள்ளுங்கள்.