aryan khan bail: ஷாருக்கான் மகன் தொடர் போதைப் பொருள் பழக்கம் உடையவர் – அரசு தரப்பு வாதம்! – mumbai sessions court reserved the order till wednesday against aryan khan bail

0
8


ஹைலைட்ஸ்:

  • ஆர்யன் கான் ஜாமீன் மனு மீதான தீர்ப்பை வருகிற புதன்கிழமைக்கு நீதிமன்றம் தள்ளி வைத்துள்ளது
  • இன்றைய இளைஞர்கள் பயன்படுத்தும் ஆங்கில மொழியே வேறாக இருக்கிறது
  • கடந்த சில ஆண்டுகளாகவே ஆர்யன் கான் போதைப்பொருள் உட்கொண்டு வருகிறார்

மும்பை சொகுசுக் கப்பலில் நடைபெற்ற கேளிக்கை விருந்தின்போது போதைப்பொருள் பயன்படுத்தியதாக பாலிவுட் நடிகர் ஷாருக்கான் மகன் ஆர்யன் கான் உள்பட 8 பேரை என்.சி.பி. அதிகாரிகள் கைது செய்தனர். இந்த வழக்கு தொடர்பாக மொத்தம் 17 பேர் இதுவரை கைது செய்யப்பட்டுள்ளனர்.

இந்த வழக்கில் கைது செய்யப்பட்ட ஷாருக்கான் மகன் ஆர்யன் கான், அர்பாஸ் மெர்ச்சண்ட், முன்முன் தமேச்சா உள்ளிட்டோரை வருகிற 21ஆம் தேதி வரை 14 நாட்களுக்கு நீதிமன்றக் காவலில் சிறையில் அடைக்க மும்பை மாஜிஸ்திரேட் நீதிமன்றம் உத்தரவிட்டது.

இதனிடையே, வழக்கில் தனக்கு ஜாமீன் கோரி ஆர்யன் கான் தரப்பில் மும்பை செஷன்ஸ் நீதிமன்றத்தில் வழக்கு தொடரப்பட்டது. அதில், அவருக்கு ஜாமீன் வழங்க மாஜிஸ்ட்ரேட் நீதிமன்றம் மறுப்பு தெரிவித்ததையடுத்து, ஜாமீன் கோரி மும்பை செஷன்ஸ் நீதிமன்றத்தில் மனுத்தாக்கல் செய்யப்பட்டது.
நாளை முதல் தியேட்டர்களுக்கு 100 சதவீதம் அனுமதி: ரசிகர்கள் உற்சாகம்!
இந்த மனு மீதான நேற்றைய விசாரணையின்போது, ஆர்யன் கான் தரப்பில் ஆஜரான வழக்கறிஞர், சோதனை நடந்தபோது ஆர்யன் கான் அந்த இடத்தில் இல்லை. அவரிடம் பணமோ, போதைப் பொருளோ இல்லை. அவரும் போதை மருந்து உட்கொண்டிருந்திருக்கவில்லை என்று வாதிட்டார்.

ஆனால், இந்த வழக்கில் ஆர்யன் கானை முதன்மைக் குற்றவாளியாக சேர்த்துள்ள என்சிபி, ஆர்யனின் வாட்ஸ் அப் சாட்கள் சர்வதேச போதைப் பொருள் கடத்தல்காரர்களைத் தொடர்பு கொண்டு அவர்கள் மூலம் ஆர்யன் கான் போதைப் பொருளை பெற்றது உறுதியாகியுள்ளது. அவரை வெளியில்விட்டால் அவர் தனது அதிகாரமிக்க பின்புலத்தைப் பயன்படுத்தி சாட்சிகளைக் கலைத்துவிடுவார் என்று வாதிட்டது.

இதையடுத்து, இன்றைய தினத்துக்கு விசாரணை ஒத்தி வைக்கப்பட்டது. அப்போது, கூடுதல் சொலிசிட்டர் ஜெனரல் அனில் சிங், கடந்த சில ஆண்டுகளாகவே ஆர்யன் கான் போதைப்பொருள் உட்கொண்டு வருகிறார் என்று கூறி அதற்கான ஆதாரங்களை சமர்ப்பித்தார். ஆரியன் கான் போதைப்பொருள் தொடர்ந்து பயன்படுத்தும் பழக்கம் உடையவர் என விசாரணையின் போது தெரியவந்ததாக என்.சி.பி., தெரிவித்த நிலையில், இந்த ஆதரங்களை அவர் சமர்ப்பித்துள்ளார்.

அம்மாடியோ! இளைஞர்கள் சாலையில் செய்த விபரீத சாகசம்!

இந்த நிலம் மகாத்மா காந்தியின் நிலம், போதைப்பொருள் பழக்கம் இளைஞர்களை சீரழிப்பதாகவும் அனில் சிங் வாதிட்டார். ஆர்யன் கான் தரப்பில் ஆஜரான மூத்த வழக்கறிஞர் அமித் தேசாய், போதைப்பொருள் தடுப்பு அமைப்பு பெரிதும் நம்பியிருக்கும் வாட்ஸ்அப் அரட்டைகள் சந்தேகத்திற்குரியதாக இருக்கிறது. இன்றைய இளைஞர்கள் பயன்படுத்தும் ஆங்கில மொழியே வேறாக இருக்கிறது. பெரும்பாலும் வித்தியாசமான முறைகளில் அவர்கள் தொடர்பு கொள்கிறார்கள். அதனால் அவை தவறாக புரிந்து கொள்ளப்பட்டிருக்கலாம் என்று வாதிட்டார்.

இரு தரப்பு வாதங்களையும் கேட்ட மும்பை செஷன்ஸ் நீதிமன்றம், ஆர்யன் கான் ஜாமீன் மனு மீதான தீர்ப்பை வருகிற புதன்கிழமைக்கு தள்ளி வைத்துள்ளது. முன்னதாக, நீதிமன்ற வளாகத்தில் ஆர்யன் கானை விடுதலை செய்ய வேண்டுகோள் விடுத்து பதாகைகளுடன் ஷாருக் கான் ரசிகர்கள் நின்றிருந்தனர். அதானியின் துறைமுகத்தில் கைபற்றப்பட்ட போதைப்பொருள் விவகாரத்தை திசை திருப்பவே ஆர்யன் கான் சிக்க வைக்கப்பட்டுள்ளார் என்று ஒரு தரப்பினர் கூறி வருகின்றனர் என்பது குறிப்பிடத்தக்கது.