யாருக்கெல்லாம் ரூ.25 ஆயிரம் நிவாரணம்? மாநில அரசு முக்கிய அறிவிப்பு! – maharashtra government announced crop damage aid for farmers

0
10


ஹைலைட்ஸ்:

  • கடந்த சில மாதங்களாக பருவமழையால் கடும் சேதமடைந்த விவசாயப் பயிர்கள்
  • 25 ஆயிரம் ரூபாய் வரை நிவாரணம் வழங்க மகாராஷ்டிர மாநில அரசு முடிவு
  • மத்திய அரசிடம் இருந்து நிதி ஒதுக்கப்படாவிட்டாலும் கவலையில்லை

மகாராஷ்டிர மாநிலத்தில் கொரோனா வைரஸ் பாதிப்பு கடந்த ஒன்றரை ஆண்டுகளாக பாடாய் படுத்திவிட்டது. நாட்டிலேயே அதிகபட்ச பாதிப்புகள் பதிவு செய்த மாநிலங்களின் பட்டியலில் முதலிடத்தை பிடித்தது. அதிக அளவில் உயிரிழப்புகள் பதிவு செய்து பெரும் அதிர்ச்சி அளித்தது. இவ்வாறு கொரோனா பாதிப்பு பல்வேறு வகைகளில் நெருக்கடியை ஏற்படுத்தியது. கடும் கட்டுப்பாடுகள், விரிவான தடுப்பூசி முகாம்கள் மூலம் நோய்த்தொற்று பரவல் கட்டுக்குள் கொண்டு வரப்பட்டது. இதிலிருந்து மீண்டு வரும் சூழலில் தென்மேற்கு பருவமழை கடந்த சில மாதங்களாக விவசாயிகளை பெரும் சிரமத்தில் ஆழ்த்தியது.

விவசாயிகளுக்கு நிவாரணம்

லட்சக்கணக்கான ஏக்கரில் விளைந்திருந்த பயிர்கள் நாசமடைந்துள்ளன. பல மாதங்களாக அறுவடைக்கு கடின உழைப்பை செலுத்தி வந்த விவசாயிகள் மிகுந்த வேதனை அடைந்துள்ளனர். இந்த விஷயத்தில் விவசாயிகளுக்கு உரிய இழப்பீடு வழங்கப்படும் என்று மகாராஷ்டிராவை ஆளும் மகா விகாஸ் அகாதி கூட்டணி தெரிவித்தது. இதுதொடர்பாக தீவிரமாக ஆலோசித்து வந்த ஆளும் அரசு, விவசாயிகளுக்கு நிவாரணம் வழங்க பல ஆயிரம் கோடி ரூபாயை ஒதுக்க முடிவு செய்துள்ளது.
பள்ளி மாணவர்களுக்கு செம ஹேப்பி நியூஸ்; பக்கா பிளான் போட்ட மாநில அரசு!
முன்வந்த மகாராஷ்டிர அரசு

இதுகுறித்து மும்பையில் இன்று முதல்வர் உத்தவ் தாக்கரே, துணை முதல்வரும், நிதித்துறை அமைச்சருமான அஜித் பவார், பொதுப்பணித்துறை அமைச்சர் அசோக் சவான் ஆகியோர் கூட்டாக அறிவிப்பு ஒன்றை வெளியிட்டனர். அதில், கடந்த ஜூன் முதல் அக்டோபர் மாதம் வரையில் 55 லட்சம் ஹெக்டேர் நிலத்தில் விளைவிக்கப்பட்டிருந்த ஏராளமான பயிர்கள் முழுவதுமாக சேதமடைந்துள்ளன. இதனால் பாதிக்கப்பட்டுள்ள விவசாயிகளுக்கு 10 ஆயிரம் கோடி ரூபாய் மதிப்பில் நிவாரணம் வழங்க அரசு முடிவு செய்துள்ளது.

அரசியலில் சசிகலா செய்த தவறு இதுதான்..! ரவீந்திரன் துரைசாமி பேட்டி

நிவாரணத் தொகை எவ்வளவு?

அதன்படி, இரண்டு ஹெக்டேர் வரை விவசாய நிலம் கொண்டவர்கள் நிவாரணத் தொகை பெற்றுக் கொள்ளலாம். தேசிய பேரிடர் நிவாரண நிதியில் இருந்து மத்திய அரசு போதிய நிதி ஒதுக்கும் வரை காத்திருக்கும் சூழல் இருக்காது. ஒருவேளை அவர்கள் தேவையான நிதியை வழங்காவிட்டாலும் கவலையில்லை. மகாராஷ்டிர மாநில விவசாயிகளுக்கு உடனடியாக நிவாரணத் தொகையை வழங்குவதற்கு மாநில அரசு முடிவு செய்துள்ளது.
இத்தனை மாவட்டங்களுக்கு ஆரஞ்சு அலர்ட்; புரட்டி எடுக்க தயாராகும் கனமழை!
பாசன வசதி இல்லாத நிலங்களில் சேதமடைந்துள்ள பயிர்களுக்கு 10 ஆயிரம் ரூபாயும், பாசன வசதி கொண்ட நிலங்களில் சேதமடைந்துள்ள பயிர்களுக்கு 15 ஆயிரம் ரூபாயும், தோட்டக்கலை உள்ளிட்ட பல ஆண்டுகள் விளையும் பயிர்களுக்கு 25 ஆயிரம் ரூபாய் வரை நிவாரணம் வழங்கப்படும் என்று அறிவிக்கப்பட்டுள்ளது.