மன்மோகன் சிங் உடல்நிலை எப்படியிருக்கிறது? நேரில் நலம் விசாரித்த அமைச்சர்! – union health minister mansukh mandaviya meets former pm manmohan singh in delhi aiims

0
17


ஹைலைட்ஸ்:

  • திடீர் உடல்நலக்குறைவு காரணமாக டெல்லி எய்ம்ஸ் மருத்துவமனையில் அனுமதி
  • மன்மோகன் சிங் விரைவில் குணமடைய நாடு முழுவதும் நடைபெறும் பிரார்த்தனை
  • சுகாதாரத்துறை அமைச்சர் மன்சுக் மாண்டவியா நேரில் சென்று நலம் விசாரித்தார்

நாட்டின் முன்னாள் பிரதமரும், பொருளாதார வல்லுநருமான மன்மோகன் சிங் அவர்களுக்கு, கடந்த ஏப்ரல் மாதம் கொரொனா தொற்று உறுதி செய்யப்பட்டது. இதையடுத்து டெல்லி எய்ம்ஸ் மருத்துவமனையில் சிகிச்சை பெற்று குணமடைந்தார். இந்த சூழலில் கடந்த திங்கள் அன்று மன்மோகன் சிங்கிற்கு திடீரென காய்ச்சல் ஏற்பட்டது. சிகிச்சைக்கு பின்னர் குணமடைந்த நிலையில், உடல் சோர்வடைந்து காணப்பட்டார். இதையடுத்து டெல்லி எய்ம்ஸ் மருத்துவமனையில் சிகிச்சைக்காக அனுமதிக்கப்பட்டார். அங்கு மன்மோகன் சிங்கை டாக்டர் நிதிஷ் நாயக் தலைமையிலான இதய நிபுணத்துவ மருத்துவர்கள் குழு தொடர்ந்து கண்காணித்து வருகிறது.

விரைவில் குணமடைய பிரார்த்தனை

இவர் விரைவாக குணமடைந்து வீடு திரும்ப வேண்டும் என்று நாடு முழுவதும் பிரார்த்தனைகள் நடைபெற்று வருகின்றன. இந்நிலையில் மன்மோகன் சிங் வேகமாக குணமடைய வேண்டும் என்றும், நல்ல உடல்நிலையுடன் திகழவும் இறைவனிடம் பிரார்த்திப்பதாக பிரதமர் மோடி தெரிவித்துள்ளார். தற்போது மன்மோகன் சிங் உடல்நிலை சீராக இருப்பதாக மருத்துவர்கள் கூறியுள்ளனர். முன்னதாக மன்மோகன் சிங் உடல்நிலை குறித்து வதந்தி பரவிய நிலையில் காங்கிரஸ் கட்சி விளக்கம் அளித்திருந்தது.
யாருக்கெல்லாம் ரூ.25 ஆயிரம் நிவாரணம்? மாநில அரசு முக்கிய அறிவிப்பு!
நலம் விசாரித்த சுகாதாரத்துறை அமைச்சர்

அதாவது, முன்னாள் பிரதமர் மன்மோகன் சிங் உடல்நிலை சீராக உள்ளது. அவருக்கு சிகிச்சை அளிக்கப்பட்டு வருகிறது. வதந்திகளை யாரும் நம்ப வேண்டாம். மேற்கொண்டு தகவல்கள் தேவைப்பட்டால் தொடர்ந்து பகிர்வோம் எனக் குறிப்பிட்டுள்ளனர். இந்த சூழலில் மத்திய சுகாதாரத்துறை அமைச்சர் மன்சுக் மாண்டவியா அவர்கள் இன்று டெல்லி எய்ம்ஸ் மருத்துவமனைக்கு சென்று மன்மோகன் சிங்கின் உடல்நலம் குறித்து விசாரித்தார்.

அரசியலில் சசிகலா செய்த தவறு இதுதான்..! ரவீந்திரன் துரைசாமி பேட்டி

மன்மோகன் சிங் பின்னணி

இதுதொடர்பான புகைப்படங்கள் சமூக வலைதளங்களில் வைரலாகி வருகின்றன. கடந்த 2004ஆம் ஆண்டு முதல் 2014ஆம் ஆண்டு வரை இந்தியாவின் பிரதமராக மன்மோகன் சிங் இருந்தது குறிப்பிடத்தக்கது. தற்போது அவருக்கு வயது 89 ஆகும். முன்னதாக 1972ல் நிதி அமைச்சகத்தின் தலைமை பொருளாதார ஆலோசகராக செயல்பட்டார். 1982 முதல் 1985 வரை இந்திய ரிசர்வ் வங்கியின் ஆளுநராகவும்,
‘விவசாயிகள் கொலை கண்டிக்கத்தக்கது’ – மத்திய அமைச்சர் பரபரப்பு கருத்து!
1985ஆம் ஆண்டு முதல் 1987 வரை திட்ட கமிஷனின் துணைத் தலைவராகவும் பதவி வகித்தார். முன்னாள் பிரதமர் நரசிம்மராவ் ஆட்சியின் போது நிதி அமைச்சராக பொறுப்பேற்றார். இந்திய பொருளாதார சீர்திருத்தத்தின் மூளையாக மன்மோகன் சிங் கருதப்படுகிறார். இவர் 1991 முதல் 1996ஆம் ஆண்டு வரையிலான காலகட்டத்தில் இந்தியாவில் உலக மயம், தாராள மயம், தனியார் மயம் ஆகியாற்றை அமலாக்கினார்.