பள்ளி மாணவர்களுக்கு செம ஹேப்பி நியூஸ்; பக்கா பிளான் போட்ட மாநில அரசு! – karnataka needs three crore covid vaccine doses for kids says minister k.sudhakar

0
11


ஹைலைட்ஸ்:

  • 2 முதல் 18 வயது வரையிலான குழந்தைகள் தடுப்பூசிக்கு அவசரகால அனுமதி
  • பள்ளி செல்லும் குழந்தைகள் மற்றும் அவர்களது பெற்றோர் மிகுந்த மகிழ்ச்சி
  • தங்கள் மாநிலத் தேவைக்கு ஏற்ப தடுப்பூசி கோரிக்கை வைக்கும் கர்நாடக அரசு

கர்நாடக மாநிலத்தில் வரும் 21ஆம் தேதி முதல் நேரடி வகுப்புகளை தொடங்க அரசு முடிவு செய்துள்ளது. 18 வயதுக்கு மேல் உள்ளவர்களுக்கு மட்டும் தடுப்பூசி பயன்பாட்டில் இருப்பதால் பள்ளிகளுக்கு தங்கள் பிள்ளைகளை அனுப்பி வைக்க பெற்றோர்கள் தயக்கம் காட்டி வருகின்றனர். இந்த சூழலில் 2 வயது முதல் 18 வயது வரையிலான சிறுவர்களுக்கு பிரத்யேக தடுப்பூசியை பாரத் பயோடெக் நிறுவனம் தயாரித்துள்ளது. இந்த கோவாக்சின் தடுப்பூசியை அவசரகால செயல்பாடுகளுக்கு பயன்படுத்திக் கொள்ளலாம் என்று இந்திய மருந்து கட்டுப்பாட்டு ஆணையம் அனுமதி வழங்கியுள்ளது.

குழந்தைகளுக்கான தடுப்பூசி

இது பெற்றோர்கள், பள்ளி நிர்வாகங்களுக்கு மிகுந்த ஆறுதலை அளித்திருக்கிறது. இதுதொடர்பாக பேசிய தனியார் பள்ளி தலைமை ஆசிரியர் ஒருவர், பள்ளிகளில் ஆசிரியர்கள் மற்றும் ஆசிரியர் அல்லாத ஊழியர்கள் தடுப்பூசி போட்டுக் கொண்ட சூழலிலும், தங்கள் பிள்ளைகளை அனுப்பி வைக்க பெற்றோர்கள் தயக்கம் காட்டி வருகின்றனர். தற்போது குழந்தைகளுக்கான தடுப்பூசிக்கு அவசரகால அனுமதி கிடைத்துள்ளது. இதன்மூலம் பள்ளிகளில் நேரடி வகுப்புகள் தொடங்குவதில் எந்தவொரு சிரமமும் இருக்காது என்று நம்புவதாக தெரிவித்தார்.
இத்தனை மாவட்டங்களுக்கு ஆரஞ்சு அலர்ட்; புரட்டி எடுக்க தயாராகும் கனமழை!
இறுதிக்கட்டத்தில் தயாரிப்பு பணிகள்

மேலும் மாநில சுகாதாரத்துறை அமைச்சர் கே.சுதாகர் கூறுகையில், மத்திய சுகாதாரத்துறை அமைச்சர் மற்றும் மூத்த அதிகாரிகளுடன் விரைவில் ஆலோசனைக் கூட்டம் நடைபெறவுள்ளது. அதில் குழந்தைகளுக்கான தடுப்பூசி உற்பத்தி மற்றும் விநியோகம் குறித்து விரிவாக ஆலோசனை நடத்த திட்டமிட்டுள்ளோம். கடந்த வாரம் பாரத் பயோடெக் நிறுவனத்தின் விஞ்ஞானி கிருஷ்ணா எல்லா அவர்கள் என்னிடம் முக்கிய விஷயத்தை பகிர்ந்து கொண்டார். அதாவது, மூக்கு வழியாக செலுத்தப்படும் தடுப்பூசி தயாரிப்பு இறுதிக்கட்டத்தை எட்டியுள்ளது.

திருநங்கைகளுக்கான கொள்கை வரைவு: இந்தியாவில் முதல் முறை !

உலகின் இரண்டாவது தடுப்பூசி

சந்தை விற்பனைக்கு தடுப்பூசி வந்தவுடன், மிகப்பெரிய அளவில் முகாம்கள் நடத்த திட்டமிட்டுள்ளோம். எங்கள் மாநிலத்தில் 2 முதல் 18 வயது வரை 1.5 கோடி குழந்தைகள் இருக்கின்றனர். எனவே 3 கோடி டோஸ் தடுப்பூசிகள் தேவைப்படும் என்று தெரிவித்துள்ளார். தற்போது கிளினிக்கல் பரிசோதனைகளுக்கு CDSCO-ன் அனுமதிக்காக பாரத் பயோடெக் நிறுவனத்தின் குழந்தைகளுக்கான தடுப்பூசி விண்ணப்பிக்கப்பட்டுள்ளது.
‘காசு இல்லாத வீட்டை எதுக்கு பூட்டிகிட்டு?’ – கடுப்பான திருடர்கள் எழுதிய கடிதம்!
இந்த தடுப்பூசியை CDSCO மற்றும் SEC ஆகிய குழுவினர் தீவிர பரிசீலனைக்கு உட்படுத்துவர். விரைவில் நல்ல முடிவு கிடைக்கும் என்று எதிர்பார்ப்பதாக பாரத் பயோடெக் நிறுவனம் நம்பிக்கை தெரிவித்துள்ளது. ஏற்கனவே ஸைடஸ் கடில்லா நிறுவனத்தின் ஸைகோவ்-டி என்ற தடுப்பூசி 18 வயதுக்கு உட்பட்டவர்களுக்கு போடுவதற்கு அனுமதிக்கப்பட்டுள்ளது. இந்த சூழலில் குழந்தைகளுக்கு இரண்டாவது தடுப்பூசி என்ற பெருமையை கோவாக்சின் பெறும் என்று எதிர்பார்க்கப்படுகிறது.