குறைந்த கொழுப்புள்ள டயட் ஆண்களின் டெஸ்டோஸ்டிரோன் ஹார்மோனை குறைக்கச் செய்யுமாம்… – low fat diet may causes lower testosterone levels for men in tamil

0
11


ஹைலைட்ஸ்:

  • உடல் பருமன் காரணமாகப் பலரும் உடல் எடையைக் குறைக்க நினைக்கின்றனர். உடல் அதிகரிப்பிற்கு கொழுப்பு முக்கிய காரணமாக இருக்கிறது.
  • குறைவான கொழுப்புள்ள உணவுகளை எடுத்துக் கொள்கின்றனர். ஆனால் உடல் எடை குறைப்பானது ஆண்களுக்குச் சில சிக்கல்களை ஏற்படுத்துகின்றன.
  • பல ஆண்களுக்கு உடல் எடையைக் குறைக்கும்போது உடலில் டெஸ்டோஸ்டிரோன் அளவு அதிகரிக்கிறது என்று ஆராய்ச்சியாளர்கள் கூறுகின்றனர், குறிப்பாகக் குறைந்த கொழுப்புள்ள உணவுகளானது டெஸ்டோஸ்டிரோனோடு தொடர்புடையதாக உள்ளன.

கட்டுப்பாடு இல்லாமல் உணவை உட்கொள்ளும் ஆண்களை விடவும் கொழுப்பைக் கட்டுப்படுத்த உதவும் உணவுகளைக் கடைப்பிடிக்கும் ஆண்கள் குறைந்த அளவில் டெஸ்டோஸ்டிரோன் கொண்டுள்ளனர் எனக் கண்டுப்பிடிக்கப்பட்டது என்று அமெரிக்க ஆய்வாளர்கள் கூறுகின்றனர்.

இதற்காக மேற்க்கொள்ளப்பட்ட ஆய்வில் 3100 க்கும் அதிகமான ஆண்களின் தரவுகள் ஆய்வு செய்யப்பட்டன, அதில் பங்கேற்றவர்களின் உணவு முறை மற்றும் டெஸ்டோஸ்டிரோன் பற்றிய தரவுகள் ஆய்வு செய்யப்பட்டன, அதில் இரண்டு நாட்களுக்கு 14.6 சதவீத ஆண்கள் குறைந்த கொழுப்பு உணவுகளை எடுத்துக்கொண்டனர்.

மேலும் 24.4 சதவீத ஆண்கள் மத்திய தரைக்கடல் உணவுகள், பழங்கள், காய்கறிகள் மற்றும் முழுமையான தானியங்கள் போன்றவற்றை எடுத்துக்கொண்டனர், ஆனால் விலங்குப் புரதம் மற்றும் பால் பொருட்கள் ஆகியவற்றை குறைவாகவே அவர்கள் எடுத்துக்கொண்டனர்.அதில் சில ஆண்கள் மட்டும் குறைந்த அளவில் கார்போஹைட்ரேட்டுகளை எடுத்துக்கொண்டனர்.

சராசரியாக டெஸ்டோஸ்டிரோன் அளவு 435.5 ng/dL அளவு உடலில் இருக்க வேண்டும். ஆனால் கொழுப்புக் கட்டுப்பாடு உணவுகள் எடுத்துக்கொண்டவர்கள் 411 ng/dL அளவிலும், கடல் உணவுகளை எடுத்துக்கொண்டவர்கள் 413 ng/dL என்ற அளவிலும் டெஸ்டோஸ்டிரோனை பெற்றிருந்தனர்.

மேலும் இந்த ஆய்வில் டெஸ்டோஸ்டிரோனின் மற்ற காரணிகளான வயது, உடல் நிறை குறியீடு, உடல் செயல்பாடு மற்றும் மருத்துவ நிலைகள் உள்ளிட்டவையும் கருத்தில் கொண்டு ஆய்வு செய்யப்பட்டன.

அதன்படி ஆய்வில் ஈடுப்பட்ட ஆண்களில் 26.8 சதவீதம் 300 ng/dL அளவிற்கு குறைவாக டெஸ்டோஸ்டிரோனை கொண்டிருந்தனர். சராசரியான அளவில் டெஸ்டோஸ்டிரோன் கொண்ட ஆண்களின் விகிதம் அனைத்து குழுக்களிலும் வேறுப்பட்டது, ஆனால் குறைந்த டெஸ்டோஸ்டிரோன் கொண்ட ஆண்களின் விகிதமானது அனைத்து குழுக்களிலும் ஒரே அளவில் இருந்தது.

இதனால் ஆராய்ச்சியாளர்கள் தங்கள் கண்டுப்பிடிப்புகளை உறுதிப்படுத்த மேலும் ஆய்வுகள் தேவையெனக் கூறினர். மேலும் கொழுப்பைக் கட்டுப்படுத்த உதவும் உணவுகள் உடலில் டெஸ்டோஸ்டிரோன் அளவை குறைக்கும் என அவர்கள் கூறினர்.